ხშირად დასმული კითხვები (FAQ)
რა ღირს 3D ბეჭდვა?
ფასი დამოკიდებულია მოდელის წონაზე (გრამებზე), მასალაზე და ბეჭდვის დროზე. ზუსტი ფასის გასაგებად, შეგიძლიათ ატვირთოთ .STL ფაილი ჩვენს მთავარ გვერდზე არსებულ კალკულატორში და სისტემა მომენტალურად დაგითვლით ფასს.
რომელ მასალებს იყენებთ?
ჩვენ ვიყენებთ უმაღლესი ხარისხის პლასტმასებს: PLA (სტანდარტული, დეკორატიული), PETG (გამძლე, მექანიკური), ABS, TPU (დრეკადი/რეზინი) და ასევე Resin/SLA ფისს განსაკუთრებული სიზუსტისთვის.
რამდენ ხანში იქნება ჩემი შეკვეთა მზად?
უმეტეს შემთხვევაში, სტანდარტული ზომის დეტალების ბეჭდვას 1-დან 3 სამუშაო დღემდე სჭირდება. დიდი ან რთული პროექტების შემთხვევაში დრო ინდივიდუალურად თანხმდება.
აკეთებთ თუ არა 3D სკანირებას?
დიახ, გვაქვს მაღალი სიზუსტის 3D სკანერი, რითაც შეგვიძლია რეალური ობიექტების (მაგ. ავტონაწილების) ციფრულ სივრცეში გადატანა მიკრონების სიზუსტით.
თუ არ მაქვს 3D ფაილი (.STL), შეგიძლიათ მოდელის შექმნა?
რა თქმა უნდა! ჩვენი ინჟინრები და დიზაინერები დაგიმზადებენ 3D მოდელს თქვენი ნახაზის, ფოტოს ან იდეის საფუძველზე.